|
||||||||||||||
|
|
17. mai 2012 |
||||||||||
Vi starta med å marsjere frå kaien til kyrkja, været var overraskande bra og mange av dei som bur nede i Kaupanger hadde møtt opp for å gå i tog med oss. Nytt i år var at vi samlast på skulen for å ete brunsj mellom toga. Leiaren vår, Dag Olav, hadde diska opp med brød og godt pålegg, juice og kaffi. Dette bør absolutt bli ein tradisjon i kommande år. Klokka 12 stilte vi opp ved butikken for å gå runda rundt byggefeltet og til skulen. Tove måtte marsjere uten notar, men jammen var det god lyd av ho uansett. (Tips: finn du notar så lever dei til eit korpsmedlem ved første høve) Været var perfekt for korpsmusikantar, lettskya og ikkje så varmt. Saman med oss gjekk ein stor gjeng med aspirantar, dei fekk delta med duskebæring og bar stolt uniform ute for første gong. Vel framme på skulen spelte korpset og aspirantane saman, både Spania og Kongesangen. Dei nye aspirantane er mange og dei er ikkje redde for å blåse så det vert skikkelig lyd. Det er lenge sidan korpset har hatt aspirantar som kan blåse så høgt og flott, dette lovar veldig bra for åra som kjem. Korpset er ferdig med nok ein 17. mai og no er det korpsstemne på Lillehammer som står for tur. Vel blåst alle saman! Send meg gjerne bilder av korpset dersom du har, det er ikkje så enkelt å få teke gode bilder når du både skal marsjere og spele:) |
|||||||||||
